prjónað á netinu

Uppskriftin er hér

Fengið hér

og þetta:

Þessi uppskrift hér að ofan heitir sunday mittens eða sondags votter og er hér / Ravelry. Prjónahimnraíkið.

-Ég hef lengi ætlað að prjóna Sunnudagsvettlinga, þeir eru án efa á top 10 “verðaðprjónaþetta” listanum.

Njótið sunnudagsins.

Hér er uppskriftin:

http://www.craftbits.com/project/coat-hanger-cover

Er fengitímiprjónanets árlegur, eða hvað? Síðasta færsla sölnuð og rykfallin full af máttvana yfirlýsingum. Jæja þessi færsla er hér sjálfrar sín vegna, hver veit hvenær framhaldið kemur, látum okkur sjá.

Prjóna.net er vettvangur innblásturs þar sem þráðurinn er í aðalhlutverki. Hér er ekki gefið að uppskriftir fylgi öllum færslum né að höfundur geti veitt almenn prjónaráð. Prjóna.net mælir með almennum námskeiðum til þess að ná tökum á listinni og svo komið þið hingað til að sjá eitthvað hressandi, gefandi, nýtt eða gamalt.

Og hvað er ég að gera eiginlega?

Síðastliðið ár keypti ég 5 dokkur af garni. Eftir að hafa sankað að mér heilmiklu garni síðstu ár ákvað ég að nú skyldi unnið á birgðunum.

Ég viðurkenni að ég hef verið í samfélagslegri prjónalægð og ekki verið mikið að taka myndir af prjóni og deila með ykkur. Nú verður bragarbót á-úbs engar yfirlýsingar…sjáum bara til.

Á prjónunum er núna einbandspeysan faðmur. Tvisvar hef ég byrjað á peysunni, í fyrra skiptið átti hún að vera blá, en sú peysa varð að bláum hraða kjólpeysu. Núna er það bara beisikk-beint úr bókinni og engar krúsídúllur. Engin mynd enn sem komið er.

Þetta heillar mig núna:

Þetta eru Arne og Carlos: Prjónandi kærustupar frá Noregi. Þeir eru ÆÐI. Voru á kafi í tískunni en fóru svo að prjóna jólaskraut og dúkkur. Ég veit að margir prjónarar kannast við þá, ég er bara nýbúin að uppgvötva þá.

Þeir eru með hænur líka.

Sjáið þetta vídjó:

Prjónaperlurnar eru búnar að fitja upp á samprjóni /yarnalong/ á blogginu sínu: www.prjonaperlur.midjan.is.

‘Eg er með, en þið?

http://www.facebook.com/profile.php?id=624483875#!/photo.php?fbid=10150115304273178&set=a.385479608177.165693.538483177&theater

Vá hvað það er leiðinlegt þegar blogg deyja. Í alvörunni.

Prjónari venur komur sínar á prjónanet. Verður glöð í hvert sinn vegna alls þess skemmtilega efnis sem þar er að finna. Færslurnar flæða, hugmyndir hífa prjónarann upp úr doðanum og innblásturinn verður að ráðlögðum dagskammti.

Og svo þornar uppsprettan upp og ekkert heyrist í 6 mánuði!

Ég biðst forláts.

Nú verður breyting á.

Ég er mætt aftur.

Innblástur dagsins eru dúskar og akkeri. Ég er dottin í fína prjóna og fíngert garn. Fæ ekki nóg af því að prjóna útprjónsvettlinga og sokka á la vintage.

Gjörið svo vel, sjáumst á morgun!

Akkeri:

Ég er sjúk í akkeri. Ætla að prjóna þetta í sokka, trefla, húfur allan hringinn og svo framvegis.

Sokkar:

Þessi bók er YNDISLEG. Er búin með Shell Sock og hnésokkana. Þunnir og fara kuldanum vel.

Dúskar:

Vá hver elskar ekki dúska? Er að spá í löngum mjóum trefli með dúskum allan hringinn eða á sokkana sem ég ætla að prjóna næst, eða á spöng, eða á töskur, lyklakippur…eða…

Lærið þetta ókeypis á netinu:
Vídjó um pom pom

jeijeijei

Á prjónunum er steingrár Dömujakki. Uppskriftina fékk ég í áskriftinni að saumaklúbbnum sem er stórskemmtileg viðbót við prjónaflóruna. Dömujakkanum miðar vel áfram og hef ég mikla trú á uppskriftinni og hlakka til að ganga í henni. Einu mínusinn er nafnið. Dömjakki er bara ekki alveg að kveikja í mér.

Eins og oft áður að þá er ég farin að gæla við næsta verkefni. Mig langar að prjóna eitthvað sumarlegt og smátt, eitthvað sem garnafgangar nýtast vel í. Ég er ekki alveg komin með uppskriftirnar á hreint en hér er innblásturinn fyrir næsta verkefni:

Dásamleg tehetta, ég er einmitt að komast í testuð. Slip Slip Knit deilir uppskriftinni.

Allar mömmur eiga skilið svona fallegt hjarta! Þetta er fengið hjá: Fun and fancy stitches

Geggjaður heklaður bóleró

Og frá Pickles er þessi hér að ofan. ÆÐI. Þær eru snillingar, allt svo einfalt og skemmtilegt!

Kæru lesendur Prjóna.nets,

Í sumar verður heljarinnar prjónaveisla í Norræna húsinu þegar viðburðurinn Lykkjur: Norræn prjónalist er á dagskrá. Meginkjarni viðburðarins er sýning á sannkallaðri prjónalist og stendur hún yfir frá 17.júní - 4.júlí. Fyrstu helgi viðburðarins 17.júní - 20.júní verða smiðjur, fyrirlestrar og ýmsir fjörugir prjónaviðburðir á dagskrá. Margir prjónarar hafa farið á námskeið sem spanna marga tíma og/eða jafnvel daga. Smiðjurnar á Lykkjum verða smærri sniðs og má líta á þær sem bragðprufur. Þær munu spanna frá 2-3 tíma og er um að ræða sambræðing fyrirlestur og sýnikennslu. Gert er ráð fyrir því að þátttakendur taki með sér sitt eigið garn, prjóna og allt sem til þarf í smiðjurnar. Þátttökugjald er ekkert eða mjög lágt. Það á eftir að skýrast þegar nær dregur. 

Nú þegar erum við byrjuð að hita upp fyrir Lykkjur. Að tilefni að hátíðinni verður prjónagraff í forgrunni og mun Reykjavík fá á sig mjúkt og litríkt yfirbragð. Við ætlum að gera umfangsmikið prjónagraffverk sem þarfanst margar prjónabúta. Prjónarar eru hvattir til að taka þátt með því að senda prjónabúta til Norræna hússins. Einnig er hægt að fá garn í bút hjá okkur í Norræna húsinu. Það er Ístex sem styrkir okkur með garni. 

Þið getið líka komið á kaffihúsið að Vesturgötu 3, 101 Reykjavík (Reykjavík DownTown Hostel) á morgun miðvikudag kl. 20.00. Þar verður hægt að nálgast garn ef þið viljið taka þátt í gjörningnum. 

Hér getið þið melt ykkur á viðburðinn á Facebook.

Hér getið þið lesið um viðburðinn á heimasíðu Norræna hússins.

Þetta er dásamlegt verkefni! Samprjón par exelance! Gangi ykkur vel íbúar í Fjallabyggð!

Tekið af vefsíðu Fjallabyggðar:

“Í Fjallabyggð keppist fólk nú við að prjóna. Karlar, konur og börn, innfæddir, aðfluttir og fráfluttir, á öllum aldri hafa tekið upp prjónana og keppast nú við að prjóna 17 km. langan trefil. Ætlunin er að nýta trefillinn til að tengja saman byggðarkjarnana alveg frá miðbæ Siglufjarðar í gegnum Héðinsfjarðargöng inn í miðbæ Ólafsfjarðar við vígslu gangana í lok september nk. þegar göngin verða formlega opnuð.

Hugmyndina að þessu framtaki á Fríða Gylfadóttir listamaður á Siglufirði og hefur hún staðið í ströngu síðustu daga við að koma verkefninu af stað.
Eftir að byggðakjarnarnir hafa verið tengdir saman er ætlunin að búta trefillinn niður í minni trefla, þæfa þá, sauma í þá merki Fjallabyggðar og selja til styrktar góðgerðarmála.

Búið er að setja upp prjóna á helstu samkomustöðum sveitarfélagsins sem hægt verði að grípa í þegar tækifæri gefst. Það má því búast við að prjónað verði á biðstofum heilsugæslunnar, á hárgreiðslustofunum, öllum verslunum, í bakaríinu, í apótekinu, í frímínútum hjá grunnskólunum, á bifreiðaverkstæðum, og kaffistofum út um allt sveitarfélagið. 

Fríða hvetur allt prjónafólk á Siglufirði, Ólafsfirði og um land allt til að sameinast og senda inn búta. Litir, gerð garns eða prjónamunstur skiptir ekki máli, bútarnir þurfa bara að vera 20 cm. breiðir. Vinnustofa Fríðu á Siglufirði verður opin alla mánudaga frá kl. 15-18 í tengslum við verkefnið svo einnig verður hægt að mæta þangað.

Áhugasamir geta haft samband við listamanninn í síma 896-8686, eða sent línu áfrida@frida.is. Auk þess er hægt að senda búta á skrifstofu sveitarfélagsins Gránugötu 24 580 Siglufirði eða Ólafsveg 4 625 Ólafsfirði”

Jibbý! Prjónabókin Prjónaperlur: Prjónað frá grasrótinni er nú komin út og hefur að geyma urmull uppskrifta. Þetta eru alskonar uppskriftir; allt frá auðveldum húfum yfir í kaðlapeysur. Ég á tvær uppskriftir í bókinni og er ótrúlega stolt yfir að tilheyra þessum fríða hóp prjónaperlna. Hér eru myndir af öllum uppskriftunum í bókinni. Síðan ef þið viljið meira að þá er hér blogg bókarinnar.

Prjónum saman er nýr DVD kennsludiskur. Þetta er að ég held í fyrsta sinn sem íslenskur prjóna DVD kemur út og því ber að fagna. Það verður svo gert í Norræna húsinu í dag kl. 17.00. Þá verða valin atriði sýnd og hægt verður að tryggja sér diskinn á ágætis verði.

Prjónarar! Leggið frá ykkur jólaskrautið, skundið af stað til Norræna hússins og prjónið saman. Jibbý.

Kragi getur bjargað köldum degi á skrifstofunni og virkað sem hin rúmlegasta peysa þegar þið klæðist jakka eða úlpu við. Kraginn gægist upp úr, hlýjar og vermir. Þessi er 2×2 stroff, fitjað upp á eftir smekk og prjónað eins langt og þið nennið. Þetta er tvöfaldur plötulopi.

Síðan var ég að leika mér einu sinni:

Myndin er frá Knit Café í Los Angeles, USA.
Það hefur verið einstaklega skemmtilegt að fylgjast með uppsveiflu prjónsins, oft held ég að hápunktinum séð náð en efast nú um það, held að hápunktinum verði fyrst náð þegar alvöru prjónakaffihús opnar í Reykjavík. Alvöru prjónakaffihús er svo kósý að meira segja þeir sem ekki prjóna vilja hittast þar í kaffi. Alvöru prjónakaffihús er eins og bókakaffi, nema í stað bóka er hip og kúl garn og prjónabækur á boðstólum. Á alvöru prjónakaffihúsi er hægt að kúldrast í sófa með prjónana sína, sötra gæðakaffi og spjalla við aðra prjónarar. Ji hvað mig hlakkar til. Hvenær ætli það opni? Nú ætti prjónabransinn að hafa efnast eitthvað á aukinni garnsölu og getað rúllað upp svona stað með einni hendi, eða hvað? Flókið einfalt.

…eru rosalega flottar og frumlegar. Ég er hrifin af hve sumar eru snollaðar/litlar og munstrin eru mjög flott.

Hér getið þið skoðað myndir af peysunum á Flickr.

Hvernig lærir maður að prjóna? Hvernig fer maður frá því að geta varla fitjað upp á yfir í að prjóna fínustu kaðla, húfur, vettlinga og hvað sem hugurinn girnist -bara að nefna það? Hvernig verður maður prjónasnillingur; snillingur sem afkóðar hverja uppskriftina á eftir annarri; snillingur sem ekki aðeins kann allar uppskriftir heldur er líka skapandi til hægri og vinstri og prjónandi upp úr sér?
Tja, af því ég sjálf er nú ekki prjónasnillingur enn að þá get kannski ekki komið með öll svörin en ég stefni svo sannarlega að því að verða þessi prjónasnillingur.

Vel flestir kunna að fitja upp á,

… halda áfram að lesa Viltu læra að prjóna?

“Ekki vera hrædd við mig” heitir ein myndin hér að ofan enda fremur vígaleg. En þetta er nú bara ég að safna í sarpinn. Myndasarpin. Þessi hálfkrútthúfa er prjónuð úr Merino dásemd sem ég keypti á garnkynningu www.garnbudin.is . Vettlingarnir hér að neðan er úr sama garni. Þetta er sett. Innblástur kemur frá www.pickles.no. … halda áfram að lesa Myndablogg