prjónað á netinu

Jæja, langt um liðið síða síðasta færsla var skrifuð hér inn. Frá því vefurinn opnaði hef ég dælt inn hlekkjum á ókeypis uppskriftir, fjallað  um fyrirbæri í prjónvefheimum s.s. prjónagraff og komið með innblástursblogg. Nú er ég að huga að ritstjórnarsviflu og twisti.

Þannig að hingað eiga eftir að hlaðast upp færslur sem aldrei fyrr um allt milli himins og jarðar, tengt prjóni.

Hápunktur prjónaársins fyrir íslenska prjónara hlýtur að vera án efa Lykkjur 2010 þar sem prjónalist, prjónasmiðjur, prjónabækur og prjónainnblástur mun gusta um stórhöfuðborgarsvæðið. Allir áhugasamir, sem vilja vera með viðburð geta sent mér línu. Aðaláherslan er á viðburðahelgina 17.júní - 20.júní. Það verður urmull af fyrirlestrum um prjón, glansandi garni og glænýjum prjónabókum en ég hef það fyrir víst að margar bækur munu líta dagsins ljós akkúrat í kringum hátíðina.

Vanastar erum við hugsanlega prjóni sem praktísku tóli til að skapa flíkur úr öllum litum regnbogans en á sýningunni Loops mun prjónið birtast okkur í formi ólögulegra forma sem lúta öðrum lögmálum og eru ekki endilega ætluð til hversdagsbrúks.

Hlakka til að sjá ykkur í Norræna húsinu með prjónana á lofti og sköpunargleðina í farteskinu. Fylgist með hér á www.prjona.net og á Faceboook síðu Prjona.net

Í sumar verða það Boleróar í öllum stærðum og gerðum! Þessi er frá www.pickles.no en þær koma á Loops 2010.

Jibbý!!!!

Í kvöld var fyrsti í Fuglafit. Fuglafit er prjóna”whatever” á Farfuglaheimilinu við Vesturgötu 17. Farfuglaheimilið er reyndar ekki bara gististaður heldur svalt kaffihús líka. Þar eru útlendingar við flest borðin og allar heimsins tungur klingja í loftinu.

Nú hefur verið komið fyrir þar feiknastórri prjónakörfu sem mun eiga aðsetur þar um næstu misseri. Því má með sanni segja að þetta sé eitt af fáum, ef ekki eina, raunverulega prjónakaffihúsið í Reykjavík. Þarna er hægt að setjast niður með kaffið og taka nokkrar umferðir til að vinda ofan af sér eða bara njóta.

Karfan er þarna af ásetningi. Garnið í henni er ætlað í prjónagjörninga mikla í Reykjavíkurborg og nágreni. Þetta er hið kæruleysilegasta prjón sem þið komist í, prjón án skuldbindinga. Ekki hafa áhyggjur af að eyða formúgu í peysu sem rykfellur útí horni og æpir á ykkur um frágang. Fitjið upp á litlum renningum og þið þurfið ekki einu sinni að klára.

Þetta er sannkallað samfélagsprjón, margar lykkjur verða að MEGA graffi!

Við verðum þarna alla miðvikudaga fram eftir vori, látið sjá ykkur.Komið og fáið gefins garn frá ÍSTEX í gjörninginn (þið getið skilað renningum til mín í Norræna húsið eða á Vesturgötu á miðvikudögum).

Í lok kvöldsins var svo graffað með prjóni. Sjáið myndirnar hér.

Í bókinni KnitKnit er skemmtileg viðtal og uppskrift eftir listakonuna og hönnuðinn Isobel Berglund. Hún prjónar svo sannarlega út fyrir rammann.

Í bókinni er m.a. hægt að prjóna eftir uppskrift að Jump in the Wall Jumper. Peysa sem er föst við prjónaðann vegg er algjörlega út úr þessum prjónaheimi sem dagsdaglega er í kringum okkur. Isobel er líka með sína eigin fatalínu sem er MEGA kúl en hún er þó gift listinni og vill fyrst og fremst einbeita sér að henni. Húrra fyrir Isobel og prjónaherberginu hennar. Prjónari að mínu skapi, já já.

Sarah Applebaum

17. júní – 4.júlí 2010

Merkið við í dagatalinu!

Prjón í nýju samhengi í Norræna húsinu.

Norræna húsið mun standa fyrir norrænni prjónahátíð næsta sumar 17/6 – 4/7.

Annars vegar er um að ræða sýningu og hins vegar viðburðadagskrá.

Hátíðin mun fagna prjóni og hekli í öllum sínum margbreytileika. Með hátíðinni viljum við miðla prjóni eins og það birtist í samtímanum

og munu prjónahönnuðir og listamenn heiðra hátíðina með þáttöku sinni.

Sýningin mun standa til 4.júlí en á sýningartímabilinu verða fjölmargir viðburðir á dagskrá s.s. prjónaveisla undir berum himni, smiðjur fyrir börn og fullorðna,

fyrirlestrar, málþing um höfundarrétt í prjónaheiminum, prjónum úti dagurinn og margt margt fleira.

Listræn prjónaveröld verður í sýningarsal Norræna hússins

Tvær  virtar listakonur hafa staðfest þátttöku í viðburðinum. Þær verða með verk á sýningunni og taka þátt í dagskrá sömuleiðis.

Þetta eru:

Patricia Waller gerir óvenjuleg heklverk sem blanda saman krútti og hryllingi. Verkin eru kunnugleg en óþægileg á sama tíma.

Patricia er fædd í Chile en býr og starfar í Berlín, Þýskalandi, og hefur tekið þátt í fjölda sýninga þar og annars staðar í Evrópu.

http://www.patriciawaller.com

Sarah Applebaum býr og starfar í Kaliforníu, Bandaríkjunum. Hún hefur tekið þátt í fjölda sýninga og fengið margar viðurkenningar fyrir list sína.

Í verkum sínum notar hún bæði prjón og hekl og eru þetta litríkar innsetningar og heilir heimar garns.  http://www.sarahapplebaum.com/

Patricia Waller

Stundum hefur verið sagt um lopapeysuprjón að það sé eins og þjóðsaga. Ég heyrði þessa kenningu í kringum umræðu um höfundarrétt og í merkingunni að prjónurum þætti ekkert tiltökumál að segja sögu annarra að uppskriftir sem ætlaðar eru til kaups eru teknar og saga  berst um allt og öðlast í raun sjálfstætt líf. Lopapeysuprjón er líka þjóðsaga fyrir mér í þeim skilningi að lengi vel var það það eina sem ég tengdi prjóni: Lopapeysumunstur og lopi. … halda áfram að lesa Prjónasögur

Þetta ætti að gleðja alla aðdáendur Star Wars og prjóni út fyrir rammann. Ég tek þetta bara beint af síðunni án þess að þýða þar sem orðaleikirnir eru svo skemmtilegir. A long stitch ago.l.hahha

A long stitch ago in a Gallery not so far, far away, an alliance of crafty rebel artists was formed to honor the epic fantasy world of Star Wars. Wielding mighty tools of knitting and crochet, cutting through the great expanse of felt, these daring individuals used their handmade patterns of survival to restore freedom to the galaxy. Beginning July 18th, their Jedi mind tricks will bedazzle you and sway your thoughts to the Dark side of the Art World. May their farce be with you.

A group art exhibition featuring amazing handmade goods inspired by the most fabulous space fantasy ever made! The exhibition is being held at Bear and Bird Boutique+Gallery in South Florida.

Ég er nýkomin úr fyrstu maraþonútilegu ársins en hún stóð yfir í 9 nætur og gekk ljómandi vel. Að sjálfsögðu voru prjónarnir með för og prjónaði ég nú í fyrsta skipti í bíl en það gekk einnig vel. Ég er að prjóna “Frjáls” e. Védísi Jónsdóttur úr heftinu Einband í einum af nýja guðdómlega litnum frá Ístex. Ég hélt að það væri vonlaust að prjóna gataprjónsstykki svona á malarvegum Íslands en það gekk eins og í sögu og ég er komin ágætlega áleiðis.

Eins og gengur og gerist stoppar maður í hinum ýmsu sjoppum á ferð um landið og var það gaman að sjá að hægt er að kaupa garn á ótrúlegstu stöðum t.d. í Flókalundi en þar er einnig hægt að kaupa járnvörur og nammi á sama stað. Laglegt úrval það!

Ég kom við á kaffihúsinu, Heitt á prjónunum, á Ísafirði. Það er frábært framtak og er úrvalið af garni mjög gott og ég sá fullt af flottum uppskriftaheftum og bókum.

EInnig stoppaði ég í dásamlega kaffihúsinu, Simbahöllin, á Þingeyri en það er frábært til þess að prjóna í og mæli ég með græna sófasettinu til þess. Þetta er kaffihús er með þeim fallegri sem ég hef heimsótt og frábær viðbót við Vestfirðina.

Jæja á morgun er stóri dagurinn hér í Reykjavík og víðar á landinu, s.s. Akureyri. Ég var að klára 4 prjónahólka sem ég set upp á morgun víðsvegar á milli Norræna hússins og Nálarinnar. Ég kom einmitt við í Nálinni í dag og afhenti Baby Surprise peysuna sem ég prjónaði síðasta sumar. Nú hangir hún úti í glugga ásamt öðrum fögrum peysum. Þessi uppskrift er auðvitað bara snilld og hvet ég alla prjónara til þess að prufa uppskriftina. 

Dagurinn á morgun er ekki flókinn. “Dagskráin” byrjar í Nálinni en þaðan ætlum við að ganga upp í Norræna hús með prjónana á lofti. Þegar þangað er komið er hægt að tilla sér niður annað hvort í grasið með teppi og sínar eigin veitingar eða setjast á Gróðurkaffihúsið sem er fyrir utan Norræna húsið. Þar er bæði hægt að sitja úti og inni. 

Þetta verður án efa skemmtileg samkoma og ég hlakka til að sjá hvað allir eru með á prjónunum. Hvað varðar bútaverkefnið að þá er það líka mjög einfalt. 

1. Prjónið bút, alveg sama hvernig garn og hvaða stærð þeir eru í en gott er að vita úr hvaða garni þeir eru svo hægt sé að raða samsvarandi bútum saman í teppi. 

2. Komið með garn sem þið viljið gefa og verður notað til að prjóna búta úr. Garninu verður safnað saman og komið fyrir í körfum á kaffihúsum og prjónabúðum. þar geta þá gestir og gangandi prjónað búta eða bara nokkrar umferðir í bút. 

3. Sendið bútana til mín á heimilisfangið: Eskihlíð 22, 105 Reykjavík. Ég sé um að taka myndir af öllum bútum sem koma og birta hér á síðunni. Einnig safna ég saman bútum sem prjónaðir eru á kaffihúsum. 

Ég efast ekki um að þátttakan verði góð því prjónarar eru gjafmildir að upplagi. Þegar nægt efni er komið í slatta af teppum höldum við uppboð og gefum ágóðan til góðs málefnis. Ok. Allir með!?

Sjáumst á morgun í prjónastuði!

Eins og Ragga Eiríks bendir hér í pistlinum að neðan að þá má áætla að prjónarar á Íslandi skipti þúsundum. Prjónarar eru einstaklega gjafmildir, félagslyndir og skemmtilegir. Í hverjum mánuði hittast prjónarar og prjóna saman víðsvegar um bæinn, prjónakaffifundirnir spretta upp og nú þegar er komið sumar er um að gera að verða enn sýnilegri og PRJÓNA ÚTI. Verum sýnileg og deilum þessum frábæra lífstíl með öðrum. … halda áfram að lesa Skundum út!

Prjónaneti hefur borist skemmtilegur liðsauki: Ragnheiður Eiríksdóttir, einn höfundur bókarinnar Prjóniprjón skrifar skemmtilega pistla um prjón og hér kemur sá fyrsti. Njótið vel kæru prjónarar

PRJóN OG LAXVEIÐI eftir Ragnheiði Eiríksdóttur

Ég var að hlusta á hinn stórskemmtilega Gunnar Bender í morgun dásama stangveiði, laxfiska og ár, eins og honum einum er lagið. Leiddi þá hugann að prjóni, eins og ég geri svo ótaloft á dag, og það kveikt hjá mér pælingar:

Hvað ætli margir prjóni á Íslandi?
Hversu margir ætli skipuleggi sumarleyfi sitt kringum prjón að einhverju leyti? - t.d. með heimsóknum í ullarsetur, ullarvinnslur, handverkshús, handverkssýningar, þátttöku á námskeiðum… og svo víðere.
Ætli það væri hægt að setja ánægju og áhugamælikvarða á prjón?
Hvað með hugarró - sjálfsstyrkingarþáttinn - jákvæða andrúmsloftið - notkun á gæðum landsins - samveru og samskipti sem fylgja prjóni?
Hvers vegna verða prjónarar svona miklir prjónatrúboðar?
Hvers vegna ekki prjónahorn í útvarpi? … halda áfram að lesa Prjón og laxveiði-gestapistill eftir Ragnheiði Eiríksdóttur

Bókin Kóralína kom út fyrir nokkrum árum í íslenskri þýðingu en hún er heftir Neil Gaiman. Í myndinni skartar Kóralína undurfögrum handprjónuðum flíkum. Althea Crome er sú sem prjónar peysurnar og eru þær svo litlar að einungis 2 fingur komast í búkinn. Í þessu myndbandi er hægt að sjá viðtal við Altheu og sjá hvernig hún býr til peysurnar. Munstrin með stjörnunum eru mitt uppáhald. Mig langar í svona stjörnupeysu og þá er ekki seinna vænna en að leyfa sér að fyllast innblæstri og búa til sitt eigið stjörnumunstur.

Vá, svo kúl að maður verður hreinlega óttaslegin. Þessi síða er ótrúlega smart og tískuleg á einhvern hátt. Skemmtilegar vídjóleiðbeiningar, ofurflottar myndir og skemmtileg nálgun á prjónamenningu. Wool and the gang

Tékkið á þessari síðu en hún er um teiknimyndasögublað sem heitir Handknit Heroes. Góð leið til að gera prjón töff og kúl fyrir unglinga! http://www.comicknits.com/

Prjónað úti 21.júní 2009                                                       

International knit in public day 2009

Kæru máttarstólpar íslenskrar prjónamenningar!

Nú fer senn að líða að helstu fagnaðarhátíð prjónara um heim allan, nefnilega Prjónum úti deginum. Dagurinn í fyrra var mjög eftirminnilegur og vakti verðskuldaða athygli fjölmiðla. Í ár erum við reynslunni ríkari og stefnt er að því að haldið verði upp á daginn um land allt.

Til stendur að halda upp á hinn alþjóðlega “prjónum úti” daginn þann 21.júní n.k. í Norræna húsinu. Norræna húsið hefur haft það að leiðarljósi að miðla norrænni menningu og prjónið er að sönnu stór hluti af okkar sameiginlega menningararfi.

Hægt verður að dreifa sér í kringum húsið, í brekkunum, með prjóna,  nesti og tilheyrandi og ef veður verður okkur í mót má alltaf hverfa inn í hús.

Í ár langar okkur til að setja á koppinn einn allsherjar prjónamarkað þar sem prjónabúðum og framleiðendum býðst að bjóða garn til sölu á góðu verði. Einnig verða prjónarar með skiptimarkað á einstökum hnyklum eða prjónabúnaði á teppum sínum. Aðrar prjónatengdar uppákomur verða á staðnum en þær verða kynntar nánar þegar nær dregur.  

Við treystum á að þið, máttarstólpar prjónaheimsins styðjið við daginn með bæði þáttöku sem og upplýsingamiðlun á póstlistum. 

Þó hátíðarhöldin séu að þessu sinni í Norræna húsinu þá byrjar dagurinn með táknrænni prjónaskrúðgöngu frá laugavegi að Norræna húsinu og verður leiðin vörðuð með prjónahólkum sem prjónarar eru hvattir til að prjóna og skreyta bæði leiðina og sitt nánasta umhverfi.

Við hvetjum ykkur til þess að taka þátt og óskum hér með eftir viðbrögðum ykkar, tilkynningum um þátttöku og/eða hugmyndum að fleiri dagskrárliðum.  

Með kærri prjónakveðju,

Ilmur -www.prjona.net

Ragga - www.lesprjon.blogspot.com/www.prjoniprjon.blogspot.com   

Hér á síðunni hafa prjónahólkar komið nokkuð við sögu og má margt gott um þá segja. Skemmtilegast er þó að framkvæma og í dag var saumaður hólkur utan um rennu við garnbúðina, Nálina, við Laugaveg. Hólkur þessi er úr yndislega gervilegu acrylgarni, sem hentar mjög vel í hólka, og gekk vel að sauma hann utan um rennuna. Ég hvet ykkur prjónara til þess að fitja upp á hólkum og fegra þannig umhverfi ykkar og um leið vekja athygli á prjóni í nýju samhengi. … halda áfram að lesa Fyrsti prjónahólkur sumarsins