prjónað á netinu

Vinkona mín, sálfræðingurinn, býður upp á þjónustu fyrir foreldra. Hún er með síðu þar sem má m.a. lesa um einkenni raskana og fannst mér mörg þeirra eiga sérstaklega vel við mig og mitt prjón. Ætli það sé hægt að tala um prjón-raskanir?

Stundum fyllist ég kvíða yfir öllum þeim verkefnum sem ég hef hug á að prjóna. Einnig er líkt og ég sé haldin prjón-athyglisbresti sem kemur einna best fram í að garnið er keypt en fylgnin er mismikil. Sumt garn fer beint í binginn en sem betur fer endar þetta að lokum á prjónunum að lokum.

Nú er ég í öfgaprjóni. Þetta öfgaprjón lýsir sér sem svo að ég er á lopapeysu nr. 2, prjónandi á prjóna nr. 4,5 enn aftur á móti er ég að fitja upp á vettlingum á prjóna nr. 2. Dáldið langt þarna á milli og svíf ég á milli verkefna, einbeitingin er ekki meiri en svo að ég þarf að skipta reglulega á milli.

Ég verð að bæta við að lokum að ég er með algjört blæti fyrir léttlopa. Litirnir eru svo dásamlegir, hey fellur af garninu og litirnir eru eins safaríkir. Ég er að prjóna úr mosabrúngrænum litum og mér finnst eins og ég sé umvafin svölum mosa.

Já, allt er til í prjóni og spurning hvort síðasta setningin sé aðeins í djarfari kantinum?

Bókin Knitticisms…And other purls of Wisdom er bara snilld. Ég er búin að vera að fletta í henni og auk þess að vera yfirfull af sniðugum myndum að þá eru ansi mörg góð ráð fyrir prjónafólk t.d. er tíundaðar ástæður til þess að byrja á nýju verkefni án þess að klára það gamla. Það þykir góð ástæða að byrja á nýju verkefni ef barnið sem átti að fá ungbarnapeysuna er að fara að fermast í vor. Góðar ástæður til að kaupa garn eru þær að garn er einangrandi fyrir húsið, ein dokka í viðbót skaðar svo sem engan og þú ert að styðja ullariðnaðinn með kaupunum. Að lokum eru talin upp teikn sem gætu bent til þess að þú sért forfallinn prjónari t.d. ef þú eyðir meiri pening í garn heldur en í mat og ef þú ert farin að horfa girndaraugum á feld hundsins þíns að þá ertu í vondum málum. 

Eins og margir sáu eflaust í fréttum RÚV hér um daginn að þá var keppt í prjóni á dögunum. Þið getið lesið nánar um það hér. 

Prjónið hefur átt sína góðu og slæmu daga. Á tímabili var bara prjónað úr akrýl og munstrin hafa verið misgeranleg. Hér eru nokkrar myndir af prjóni í gegnum tíðina í anda Stitchy McYarnpants.

… halda áfram að lesa Prjóna-tíðar-andi

Þið sem elskið að prjóna úr léttum þræði ættuð að finna eitthvað við hæfi í þessum hlekkjum hér að neðan. Ekki allir eru að fíla léttlopapeysur og ullarsokka heldur vilja frekar prjóna eitthvað villtara. Mér finnst þessar uppskriftir þó ekki aðeins eiga við svefnherbergið heldur einnig sem bolir eða kjólar. Tja, nema kannski strengurinn, ég myndi örugglega ekki vera í honum utan yfir buxur. 
Athugið þetta:
Hlýrabolur
G-strengur
Hush-Hush náttkjóll -ÆÐI
Betty…

Á ensku eru orðaleikir í kringum prjón algengir en hvernig er þetta á íslensku? Er hægt að leika sér með prjónatungumálið og búa til tvíræð orðasambönd og vísanir? Ég heyrði orðið útprjón um daginn í merkingunni prjónað úti (knit in public). Svo sá ég orðið hringprjón notað um prjónahóp sem hittist reglulega og prjónar saman. Orðasambandið að hafa eitthvað á prjónunum er algengt í daglegu tali sem og að prjóna e-ð áfram. Orðið Lykkjufall getur síðan verið mjög tvírætt og að fitja upp á er einnig notað um annað en prjón. 

Gaman að þessu. Er að spá í hvort orðið garnaflækja gæti átt við um yarn stash? Þekkja lesendur fleiri skemmtileg orð tengd prjóni? 

Sýnishorn úr mynd um Alvöru menn sem prjóna. Skoðið líka Men who knit.

Vá!

Uppskriftina að þessum fallegu augum er að finna hér. Uppskriftin að leginu er … halda áfram að lesa prjónaðir limir og líkamshlutar

Ég endurnýjaði prjónaáhugann eftir að ég komst í bók Debbie Stoller, Stitch’n Bitch: The Knitters Handbook. Þar kennir hún manni allt það sem þarf að kunna til að geta komist í gegnum auðveldar og flóknar uppskriftir.

… halda áfram að lesa Son of Stitch’n Bitch

Yndislega narðarlegur prjónahúmor. Góðar stundir.