Að þæfa prjónles
Uppskrift að töskunni hér að ofan er hér. (Það þarf að skrá sig til að fá uppskriftir á þessari síðu).
Það er gaman að þæfa og mjög spennandi ferli. Mér finnst ótrúlega gaman að prjóna eitthvað úr þykku garni á stóra prjóna (árangurinn kemur strax) henda því inn í þvottavél og út kemur eitthvað allt öðruvísi.
Án þess að ég hafi gert á því vísindalega könnun að þá er víst mismunandi eftir þvottavélum hvernig þæfingin tekst, stundum þarf að setja dæmið 2x í vélina. Ég mæli með því að setja það sem á að þæfa inn í koddaver og henda einu handklæði með. Koddaverið kemur í veg fyrir að vélin fyllist af ull sem gæti orðið dáldið neyðarlegt. Hér eru nokkrar uppskriftir að þæfðu prjónlesi og svo er linkur á videopodcast sem sýnir ferlið.
Þæfðir pottaleppar
Röndótt taska úr lopa
Taska með bambushöldum (fást í Hagkaup)
Inniskór á börn
Vasi utan um fartölvu með súperkúl Mac-munstri (epli)
Flus utan um prjóna
Að lokum er gott að geta þess að það er allra best að þæfa úr 100% ull og hana er nú svo sannarlega hægt að kaupa hér á landi.
Tags: Að þæfa, pottaleppar, töskur, þæfing
October 24th, 2009 at 2:20 pm
Mig langar að vita hvernig eg a að þvo stikki sem eg hef prjonad ur lopa svo það þobni .
bestu kvedjur fra Sviariki
Solveig.
February 7th, 2010 at 8:44 am
Ég prjónaði peysu sem ég vil aðeins þétta - hvernig fer ég að?