prjónað á netinu

Jæja, langt um liðið síða síðasta færsla var skrifuð hér inn. Frá því vefurinn opnaði hef ég dælt inn hlekkjum á ókeypis uppskriftir, fjallað  um fyrirbæri í prjónvefheimum s.s. prjónagraff og komið með innblástursblogg. Nú er ég að huga að ritstjórnarsviflu og twisti.

Þannig að hingað eiga eftir að hlaðast upp færslur sem aldrei fyrr um allt milli himins og jarðar, tengt prjóni.

Hápunktur prjónaársins fyrir íslenska prjónara hlýtur að vera án efa Lykkjur 2010 þar sem prjónalist, prjónasmiðjur, prjónabækur og prjónainnblástur mun gusta um stórhöfuðborgarsvæðið. Allir áhugasamir, sem vilja vera með viðburð geta sent mér línu. Aðaláherslan er á viðburðahelgina 17.júní - 20.júní. Það verður urmull af fyrirlestrum um prjón, glansandi garni og glænýjum prjónabókum en ég hef það fyrir víst að margar bækur munu líta dagsins ljós akkúrat í kringum hátíðina.

Vanastar erum við hugsanlega prjóni sem praktísku tóli til að skapa flíkur úr öllum litum regnbogans en á sýningunni Loops mun prjónið birtast okkur í formi ólögulegra forma sem lúta öðrum lögmálum og eru ekki endilega ætluð til hversdagsbrúks.

Hlakka til að sjá ykkur í Norræna húsinu með prjónana á lofti og sköpunargleðina í farteskinu. Fylgist með hér á www.prjona.net og á Faceboook síðu Prjona.net

Í sumar verða það Boleróar í öllum stærðum og gerðum! Þessi er frá www.pickles.no en þær koma á Loops 2010.

Jibbý!!!!

Prjónað úti 21.júní 2009                                                       

International knit in public day 2009

Kæru máttarstólpar íslenskrar prjónamenningar!

Nú fer senn að líða að helstu fagnaðarhátíð prjónara um heim allan, nefnilega Prjónum úti deginum. Dagurinn í fyrra var mjög eftirminnilegur og vakti verðskuldaða athygli fjölmiðla. Í ár erum við reynslunni ríkari og stefnt er að því að haldið verði upp á daginn um land allt.

Til stendur að halda upp á hinn alþjóðlega “prjónum úti” daginn þann 21.júní n.k. í Norræna húsinu. Norræna húsið hefur haft það að leiðarljósi að miðla norrænni menningu og prjónið er að sönnu stór hluti af okkar sameiginlega menningararfi.

Hægt verður að dreifa sér í kringum húsið, í brekkunum, með prjóna,  nesti og tilheyrandi og ef veður verður okkur í mót má alltaf hverfa inn í hús.

Í ár langar okkur til að setja á koppinn einn allsherjar prjónamarkað þar sem prjónabúðum og framleiðendum býðst að bjóða garn til sölu á góðu verði. Einnig verða prjónarar með skiptimarkað á einstökum hnyklum eða prjónabúnaði á teppum sínum. Aðrar prjónatengdar uppákomur verða á staðnum en þær verða kynntar nánar þegar nær dregur.  

Við treystum á að þið, máttarstólpar prjónaheimsins styðjið við daginn með bæði þáttöku sem og upplýsingamiðlun á póstlistum. 

Þó hátíðarhöldin séu að þessu sinni í Norræna húsinu þá byrjar dagurinn með táknrænni prjónaskrúðgöngu frá laugavegi að Norræna húsinu og verður leiðin vörðuð með prjónahólkum sem prjónarar eru hvattir til að prjóna og skreyta bæði leiðina og sitt nánasta umhverfi.

Við hvetjum ykkur til þess að taka þátt og óskum hér með eftir viðbrögðum ykkar, tilkynningum um þátttöku og/eða hugmyndum að fleiri dagskrárliðum.  

Með kærri prjónakveðju,

Ilmur -www.prjona.net

Ragga - www.lesprjon.blogspot.com/www.prjoniprjon.blogspot.com   

Allt of langt er síðan hér hefur verið ritað eitthvað um prjón. Framundan er þó margt ótrúlega spennandi í heimi prjónsins. Að venju eru prjónakaffin hjá Heimilisiðnaðarfélaginu fyrsta fimmtudag í hverjum mánuði og hlakka ég til að mæta á það næsta. Ég get síðan glatt ykkur kæru lesendur með þeim fréttum að í Norræna húsinu er Prjónagigg framundan, 28.maí,  þar sem margt skemmtilegt verður á döfinni. Prjóna.net er að sjálfsögðu viðloðandi dagskrána en hún verður upplýst á næstu dögum. 

Af mínum persónulegu prjónhögum er þetta að frétta: Um páska kláraði ég lopapeysu á eldri drenginn í dásamlegum litum frá ÍSTEX. Ég fæ ekki nóg af léttlopa og er því búin að fitja upp á kjólnum “keðja” úr nýjasta heftinu frá ÍSTEX. 

Einnig kláraði ég “february lady vesti”, það átti nú upphaflega að verða peysa en svo kom það svo vel út sem vesti í garðaprjóni. Set mynd inn við tækifæri. 

Prjónaverkefnin framundan tengjast barneingnum kærra vinkvenna en þrír gríslingar hafa bæst við í barnaskara vinkvenna minna. 

Ég vil vekja athygli á viðburðum og sýningum í Norræna húsinu. Þetta er auðvitað Nordic Fashion Biennale og hef ég séð um skipulagningu þessa viðburðs. Í Norræna húsinu má sjá fatahönnun og skartgripi frá Færeyjum, Grænlandi og Íslandi og er prjón og ull mjög áberandi, aðallega í færeysku og íslensku hönnuninni. Endilega gerið ykkur ferð í Norræna húsið og skoðið skemmtilega sýningu og ég hvet ykkur til að koma þegar einhverjir viðburðir eru en þá má skoða á Nordic Fashion Biennale síðunni. Einn viðburður ætti þó að trekkja að prjónara en þann 4.apríl kl. 14.00 mun Védís Jónsdóttir prjónahönnuður segja frá starfi sínu og hönnun. Ekki missa af því!

Um miðja nótt síðla árs 2006 laust niður í huga mér hugmynd, eða réttara sagt mjög sterk þrá. Mig langaði að búa til prjónakaffihús, rými þar sem ég gæti sameinað kaffihúsahangs og prjónaskap, ég sjálf vildi getað dvalið í þannig rými. Þegar þetta var bjó ég í Danmörku, Kaupmannahöfn, og hafði kynnst heimilislegum kaffihúsum og einnig hafði ég hellt mér út í prjónaskapinn að nýju eftir langt hlé. Það var svo snemma árs 2007 að ég sendi Norræna húsinu póst um sjálfa mig … halda áfram að lesa Prjón í nýju samhengi